Réckbléck an Fotoen – Page 2

L’Estartit 2020

Post published:22/08/2020

Och 2020 hunn d’Athena Divers et geschafft trotz Corona een Tauchstage ze realiséieren. Am August ass et mat enger Equipe vun 18 Memberen Richtung L’Estartit gaangen, eng vun den top Tauchlocations am Mëttelmier.

Een Grond firwat et dëst Joer mol rëm op L’Estartit gangen ass, ass, niewent den flotten Tauchspotten an enger lieweger Ënnerwaasserwelt, dat vill Leit sech gemellt hunn vir eng Formatioun ze maachen. An den Wochen an Méint virun L’Estartit hunn sech d’Kandidaten zu Lëtzebuerg op hiren jeeweilegen Tauchschein virbereet, vir dann en gudden Deel vun den prakteschen Epreuven an Exercicer zu L’Estartit ze maachen. Sou gouf eng P2 Formatioun an fënnef P3 Formatiounen duerchgefeiert.

Niewent den prakteschen Exercicer goufen och d’Virträg iwwer d’Faune an d’FLore Owes bei engem killen Gedrénks gehalen. Des war natierlech en Virdeel vir den ganzen Grupp, well een lo mol och wosst, wat een genau bei den Tauchgäng gesinn huet.

Mir haten um Stage och déi grouss Chance dréi Memberen vun eisem Partner Odyssea ze begréissen, an vun dësen vill interessant Infoen iwwer Mieresbiologie an Conservatioun ze kréien.

An dann haten mir natierlech och nach eng ganz Grupp Memberen dobäi, déi nëmmen eng flott Tauchvakanz mat villen schéinen Tauchgäng an flotten Owender genéissen wollten. Och an dësem Grupp konnt sech keen beschwéieren, L’Estartit huet einfach vir jiddereen eppes ze bidden.

Des Vakanz war dann och déi eicht wou eisen neisten Merchartikel virgestallt an agesat gouf. D’Athena Divers hunn lo hiren eegenen Surfponcho, oder besser gesot Tauchponcho. Dësen Poncho ass ideal vir sech nom Tauchgang drënner anescht unzedoen oder en einfach ganz unzehalen an domat gemittlech zréck an den Hotel ze goen. Mat dem Athena Divers Tauchponcho ass een ni underdressed an d’Zäiten wou een nom Tauchgang fréieren muss sinn eriwwer. Bei Interesse um Poncho mellt iech bei engem Comitésmember et wäerten nach sécher nei Bestellungen opgeholl ginn.

STAU 2020

Post published:02/08/2020

Sarano 2020

Post published:12/02/2020

Den Mëttwoch den 12. Februar war den François Sarano zu Lëtzebuerg an huet een interessanten Virtrag iwwer Haien gehalen.

boot 2020

Post published:26/01/2020

Den 26. Januar waren d’Athena Divers op d’Boot zu Düsseldorf.

AG 2019

Post published:27/12/2019

D’AG 2019 huet an der Salle Audiovisuelle vum Stater Kolléisch stattfonnt. An dëser Assemblée Générale gouf en klengen Réckbléck vum Joer gemaach an d’Aktivitéiten vir 2020 presentéiert. D’Athena Divers hunn sech och gefreet vir Gäscht vun der Flassa an vun Odyssea ze empfänken.

Dot Mandater vum Comité no den Statuten vun den Athena Divers dréi Joer gutt sinn, war et dëst Joer Zäit en neien Comité ze wielen. Aus dem alen Comité huet een Member sech net nach eng Kéier vir d’Wal opgesat. Et hunn sech zwou nei Persounen gemellt vir an den Comité ze goen. Do dëst net déi maximal Unzuel vun 10 Leit iwwerschratt huet, goufen all déi déi sech opgesat hunn vun der AG an den Comité gewielt.

Den neien Comité besteet aus:

Armin Thon – President
Michel Brausch – Vize-President
Pit Beffort – Sekretär
Paul Kugener – Tresorier
Cathy Wolter
Emilie Wildschutz
Nick Beffort
Tom Brosius
Yves Huberty

No der AG gouf sinn d’Athena Divers nach eng eppes an den Pepe iessen gaangen.

STAGE CURACAO 2019

Post published:03/09/2019

Wei déi lescht Joren, waren d’Athena Divers erëm déi lescht Woch am August op hiren Tauchstage. Do d’Memberen sech op der AG eng exotesch Destinatioun vir den Stage gewënscht haten, ass d’Wahl op Curaçao gefall. No dem éischter relaxen Stage vum leschten Joer, huet hei de Club alles vum Iessen, iwwert den Transport, bis natierlech d’Tauchen selwer organiséiert. Obwuel Tauchen vun der Küst aus heiansdo ustrengend war, war et eng excellent Geleeënheet vir all d’Participant ze trainéieren autonom se tauchen, an selbstverständlech d’Navigatioun ënner Waasser ze meeschteren an ëmmer erëm den Wee zréck ze fannen.

Mee dat war nach net genuch et goufen och verschidden Formatiounen ofgehalen. Den prakteschen Deel vun engem P3 gouf ugefaangen. Een P3 an een P2 sinn erfollegräich ofgeschloss ginn.

Op den zwee tauchfreien Deeg haten d’Memberen Zéit sech Curaçao an Willemstadt en bëssen unzekucken, an sou och eppes vun der Insel iwwer Waasser ze gesinn.

Een aneren Highlight vun der Rees war natierlech och d’Owesiessen dat ëmmer vun enger anerer Grupp zoubereet gouf.

Stau 2019

Post published:15/07/2019

Den Sonnden waren d’Athena Divers op den Stau Tauchen an Grillen. Dat kaalt Wieder huet eis net vum Tauchen ofgehalen. No dem Tauchgang gouf sech beim Grill opgewiermt. Verschidden Memberen hunn d’Chance genotzt vir Epreuven vir hiren P2 ze maachen.

TODI 2019

Post published:20/04/2019

Den Ouschterweekend waren d’Athena Divers an den TODI an der Belsch tauchen. Des war wei dat lescht Joer déi éischt grouss Tauchaktivitéit vir no dem laangen Wanter erëm an d’Tauchen eran ze kommen.

AG 2018

Post published:23/12/2018

Den Sonnden den Owend, den 23. Dezember, hunn ronn 50 Memberen un der Generalversammlung vun den Athena Divers deelgeholl. Des huet dëst Joer an der Salle audiovisuelle vum Kolléisch stattfonnt.

Niewent dem Rapport iwwert d’Aktivitéiten vum vergaangenen Joer, gouf och vill iwwert zukünfteg Pläng an Projeten diskutéiert. Ënnert anerem gouf sech iwwerluet, wou den nächsten Stage kéint higoen, mee awer och wei een d’Kommunikatioun zwëschen dem Comité an den Memberen verbessert kéint ginn. Dofir gëtt et elo eng Whatsappgrupp an där iech den Comité iwwert zukünftegt Eventer informéiert. Wann dir nach net an dëser Grupp dran sidd, dann schreift eis eng Email.

Nodeem d’Arbescht gemaach war, gouf an der Antica Trattoria bei enger Pizza oder Pasta nach en bëssen gepotert.

Stage Egypten 2018

Post published:04/09/2018

An der leschter Woch am August sinn d’Athena Divers op een Stage an Egypten gaangen. Hei hunn eng Woch laang vill flott Tauchplatzen, mat eisem Schëff, dem Blue Planet 1, besicht.

Mir hunn ënner anerem Tauchgäng op der Thistlegorm an op den Brother Inselen gemaach. Thistlegorm ass een Wrack vun engem briteschen Transportschëff aus dem 2. Weltkrich.

D’Brother Inselen, dat heescht den Big an den Little Brother, waren definitiv een Highlight vun der Rees. Op deser Platz déi bekannt dofir ass, dat een Haien gesinn kann, hunn mir dann och deementspriechend vill Haien gesinn.