Dive4Life

Den 16. Abrëll waren d’Athena Divers am Dive4Life zu Siegburg.

Gudden Wëllen

Den Doneschden den 3. Februar haten mir en flotten Owend am Gudden Wëllen.

AG 2021

Den Mëttwoch den 29. Dezember war rëm d’AG vun den Athena Divers. Dëst Joer konnten mir se Dank Covid Check rëm wei gewinnt an der Salle Audiovisuelle vum Kolléisch duerchfeieren. Et huet gutt gedoen d’Memberen vum Club rëm an Persoun ze gesinn an sech face-à-face auszetauschen.

No der AG waren mir wei ëmmer beim Pepe vir eppes ze Iessen an en Patt ze drénken.

Déi dräi fräi Platzen goufen vun Alex, vum Bruce an vum Tom besat. Zousätzlech ass den Pit als Coopté engagéiert ginn, vir den Comitéë weider ze ënnerstëtzen. Mir als Comitéë freeën eis op eng gutt Zesummenaarbecht an sinn gespaant op all nei Iddi déi des nei Memberen an den Comitéë  eran bréngen.

Een Member vun der Tauchoptioun aus dem LAML war op eiser AG. Den LAML huet säit kuerzem eng Tauchoptioun déi reegelméisseg op Tauchstagen, déi zesummen mam Athénée organiséiert sinn, geet. An dësem Kader gouf diskutéiert wei eng Integratioun mat den Athena Divers méiglech ass.

D’Carole huet d’Flassa op eiser AG vertrueden. Hat huet eis ënner anerem iwwer d’Pläng vir dëst Joer 50 Joer Flassa ze feieren informéiert.

Den Stage vir 2022 war natierlech och en grousst Thema. Nodeems Bali 2021 net méiglech war, soll probéiert ginn op et 2022 machbar ass. D’Ziel ass et awer dëst Joer op allefalls een Backup-Plang ze hunn, falls et rëm net machbar ass.

L’Estartit 2021

Och wann d’Pandemie eis 2021 rëm en Stréch duerch d’Rechnung gemaach huet, hunn mir et trotzdeem geschafft en flotten Stage ofzehalen. D’ursprénglech Pläng waren en groussen Stage zu Bali ze maachen, mee d’Onsécherheeten op mir iwwerhaapt bis dohin kommen, hunn eis gezwongen an leschter Sekonn emzeplangen.

Eisen Plang B war L’Estartit. Dëst gouf an kierzter Zäit mat vollem Asaz organiséiert, sou dat mir Samschdes den 21. August um 4 Auer mat engem vollen Minibus an beschter Laun Richtung L’Estartit gestart sinn.

 

Dësen Stage war een rengen Vakanzen Stage, sou dat jiddereen niewent dem Tauchen d’Zäit zu L’Estartit voll Notzen konnt vir ze entspanen. Egal op dat Nomëttes op der Siesta bei der Piscine, Sonndes op der Pool Party am Flamingo, op der Marche Gourmande nom Tauchgang zréck bis bei den Hotel oder natierlech owes beim Mojito op der Terrass vum Flamingo war.

D’Woch war dann och méi schnell eriwwer wei een kucken konnt, an sou bleift nëmmen nach dësen Réckbleck op en flotten Stage mat enger super Equipe.

Trotzdeem hoffen mir all dat mir d’nächst Joer vun L’Estartit fort kommen, an een méi wäiten, exoteschen Stage realiséieren kennen.

AG 2020

Op dem 2. Chrëschtdag war d’AG vun den Athena Divers. Wann ech hei eisen Präsident frei zitéieren däerf, dann war et “Déi éischt, an hoffentlech och déi lescht online Assemblée Générale dei d’Athena Divers maachen mussen.” Trotz dësem méi onglécklechen Format war et eng gelongen Versammlungen. Dëst war niewent der interaktiver Präsentatioun, awer och der grousser Unzuel un Memberen déi sech bei der Versammlung blécken gelooss hunn ze verdanken. Dofir en groussen Merci un jiddereen deen do war.

No der Allocatioun vum Präsident, huet d’Carole George vir d’Flassa d’Wuert ergraff, an déi wichtegst News vun der Flassa der Assemblée matgedeelt. Donieft gouf der AG wei ëmmer en Réckbléck iwwert dat lescht Joer, an een Ausbléck iwwert dat folgend Joer gemaach. De groussen Highlight vum nächsten Joer ass natierlech eisen Stage zu Bali.

Mir hoffen dat mir iech all op der nächster AG rëm an Persoun gesinn kennen. Bleift Gesond!

Ären Athena Divers Comitéë

L’Estartit 2020

Och 2020 hunn d’Athena Divers et geschafft trotz Corona een Tauchstage ze realiséieren. Am August ass et mat enger Equipe vun 18 Memberen Richtung L’Estartit gaangen, eng vun den top Tauchlocations am Mëttelmier.

Een Grond firwat et dëst Joer mol rëm op L’Estartit gangen ass, ass, niewent den flotten Tauchspotten an enger lieweger Ënnerwaasserwelt, dat vill Leit sech gemellt hunn vir eng Formatioun ze maachen. An den Wochen an Méint virun L’Estartit hunn sech d’Kandidaten zu Lëtzebuerg op hiren jeeweilegen Tauchschein virbereet, vir dann en gudden Deel vun den prakteschen Epreuven an Exercicer zu L’Estartit ze maachen. Sou gouf eng P2 Formatioun an fënnef P3 Formatiounen duerchgefeiert.

Niewent den prakteschen Exercicer goufen och d’Virträg iwwer d’Faune an d’FLore Owes bei engem killen Gedrénks gehalen. Des war natierlech en Virdeel vir den ganzen Grupp, well een lo mol och wosst, wat een genau bei den Tauchgäng gesinn huet.

Mir haten um Stage och déi grouss Chance dréi Memberen vun eisem Partner Odyssea ze begréissen, an vun dësen vill interessant Infoen iwwer Mieresbiologie an Conservatioun ze kréien.

An dann haten mir natierlech och nach eng ganz Grupp Memberen dobäi, déi nëmmen eng flott Tauchvakanz mat villen schéinen Tauchgäng an flotten Owender genéissen wollten. Och an dësem Grupp konnt sech keen beschwéieren, L’Estartit huet einfach vir jiddereen eppes ze bidden.

Des Vakanz war dann och déi eicht wou eisen neisten Merchartikel virgestallt an agesat gouf. D’Athena Divers hunn lo hiren eegenen Surfponcho, oder besser gesot Tauchponcho. Dësen Poncho ass ideal vir sech nom Tauchgang drënner anescht unzedoen oder en einfach ganz unzehalen an domat gemittlech zréck an den Hotel ze goen. Mat dem Athena Divers Tauchponcho ass een ni underdressed an d’Zäiten wou een nom Tauchgang fréieren muss sinn eriwwer. Bei Interesse um Poncho mellt iech bei engem Comitésmember et wäerten nach sécher nei Bestellungen opgeholl ginn.

Sarano 2020

Den Mëttwoch den 12. Februar war den François Sarano zu Lëtzebuerg an huet een interessanten Virtrag iwwer Haien gehalen.

boot 2020

Den 26. Januar waren d’Athena Divers op d’Boot zu Düsseldorf.

AG 2019

D’AG 2019 huet an der Salle Audiovisuelle vum Stater Kolléisch stattfonnt. An dëser Assemblée Générale gouf en klengen Réckbléck vum Joer gemaach an d’Aktivitéiten vir 2020 presentéiert. D’Athena Divers hunn sech och gefreet vir Gäscht vun der Flassa an vun Odyssea ze empfänken.

Dot Mandater vum Comité no den Statuten vun den Athena Divers dréi Joer gutt sinn, war et dëst Joer Zäit en neien Comité ze wielen. Aus dem alen Comité huet een Member sech net nach eng Kéier vir d’Wal opgesat. Et hunn sech zwou nei Persounen gemellt vir an den Comité ze goen. Do dëst net déi maximal Unzuel vun 10 Leit iwwerschratt huet, goufen all déi déi sech opgesat hunn vun der AG an den Comité gewielt.

Den neien Comité besteet aus:

Armin Thon – President
Michel Brausch – Vize-President
Pit Beffort – Sekretär
Paul Kugener – Tresorier
Cathy Wolter
Emilie Wildschutz
Nick Beffort
Tom Brosius
Yves Huberty

No der AG gouf sinn d’Athena Divers nach eng eppes an den Pepe iessen gaangen.

End of content

No more pages to load